അർധരാത്രിയിലെ പിരമിഡ് പര്യടനം

ബ്സ്സ്.. ബ്സ്സ്...

തരിപ്പുണ്ടാക്കുന്ന ആ ശബ്ദം കേട്ട്  അലോസരത്തോടെ രാത്രിയിലെ ഉറക്കത്തിൽ നിന്നും ഞാൻ കണ്ണുതുറന്ന് ചുറ്റും നോക്കി.പതിഞ്ഞ സ്വരത്തിലുള്ള മുക്കലും മൂളലുകളും മുറുമുറുപ്പുകളും ഉയരുന്നു.

രാത്രിയിൽ ഇരുട്ടിന്റെ ഘനം ആ ശബ്ദങ്ങളെ കൂടുതൽ ഭയചകിതമാക്കുന്നുണ്ടോ?

 വലതു വശത്തെ കട്ടിലിൽ ഈജിപ്റ്റ്യൻ മമ്മികളെ പോലെ കാലുമുതൽ തലവര മൂടിപുതച്ച് കിടക്കുന്ന ചേട്ടൻ, അതാ മമ്മിയുടെ മുഖത്ത് നിന്ന് ഒരു പ്രഭാവലയം ഉയരുന്നു.  അതെ, കിരുകിരുത്ത ആ ശബ്ദത്തിന്റെ ഉത്‌ഭവം അവിടന്നു തന്നെ.

പുല്ല് ... 

പാതിരാത്രി ഫോണിൽ കിടന്ന് അടക്കം പറഞ്ഞ് കൊഞ്ചിക്കുഴയുവാണ് ക്ണാപ്പൻ.

അങ്ങനെ എട്ട് വർഷങ്ങൾക്കും ഒരായിരം കോലാഹലങ്ങൾക്കും ശേഷം ഫോണിൽ കൊഞ്ചിക്കുഴഞ്ഞവർ ഇപ്പോ ദേ വീട്ടിൽ ഇരുന്ന് കൊഞ്ചിക്കുഴയണ്ട്. 

"ഹാപ്പിലി മാരീഡ് ! "

വാൽകഷ്ണം :- 

സ്മാർട്ട് ഫോണിൽ  നൈറ്റ് മോഡ് ഒക്കെ വരുന്നതിന് മുമ്പേ മാന്വൽ നൈറ്റ് മോഡ് സാദാ ഫോണിൽ സെറ്റ് ചെയ്ത വലിയ പുള്ളിയാ ചേട്ടൻ.

മൊബൈലിന്റെ പേര് പോലെ അന്നേ ഹൈടെക്കാ ഹൈടെക്ക്,

 X-റേ ഫിലിം + cello tape = പാവങ്ങളുടെ നൈറ്റ് മോഡ്.

ഇത്രേം ബുദ്ധിയുള്ളവൻ എഞ്ചിനിയർതന്നെ ആയി.

ആത്മാർഥ പ്രണയം നിങ്ങളെ പലതും പഠിപ്പിക്കും. ചിലേപ്പോഴെക്കെ ഇങ്ങനെ ചിലത് കണ്ടുപിടിപ്പിക്കുക കൂടി ചെയ്യും.